मागील काही वर्षातील हवामानातील बदल व पर्जन्यमानातील अनिश्चितता जसे पावसाचे एकूण कमी दिवस, कमी वेळेत जास्त पाऊस, सरासरीपेक्षा कमी पाऊस, पावसाचा तीन आठवड्यांपेक्षा जास्त खंड, मान्सूनचे उशिरा आगमन व वेळेपुर्वी निघून जाणे, गारपीट व अवेळी पाऊस या सर्व हवामानातील बदलामुळे पाणी टंचाई (पिण्यासाठी, जनावरांसाठी, पिकांसाठी), पिकांच्या उत्पादनात व उत्पादकतेत घट, कृषी उत्पादन वाढीचा दर घटणे, अल्प व अत्यल्प भुधारक शेतकऱ्यांमध्ये नैराश्य पसरले, ग्रामीण भागाकडून शहराकडे स्थलांतर होऊ लागले ई. परिणाम दिसू लागले.
वाढत्या तापमानामुळे कोरडवाहू पिकाच्या उत्पादक्तेवरील परिणाम तसेच जमिनीतील कर्बामध्ये व ओलाव्यामध्ये घट, कमी कालावधीत पडणाऱ्या आणि पावसामुळे होणारी प्रचंड जमिनीची धूप, अनियमित पावसामुळे कोरडवाहू पिकाकरीता पाणी उपलब्धतेवर प्रतिकूल परिणाम, किडींच्या संखेमध्ये व प्रादुर्भावात वाढ इ. शेतीवर वातावरणातील बदलामुळे संभाव्य दूरगामी परिणाम दिसून येतील. या सर्व दूरगामी परिणामांचा विचार करता बदलत्या वातावरणाचा अभ्यास करून हवामान अनुकूल तंत्रज्ञानचा शेतीशाळा या माध्यमाद्वारे प्रसार व अवलंब करणे आवश्यक आहे.
वाढत्या तापमानामुळे कोरडवाहू पिकाच्या उत्पादक्तेवरील परिणाम तसेच जमिनीतील कर्बामध्ये व ओलाव्यामध्ये घट, कमी कालावधीत पडणाऱ्या आणि पावसामुळे होणारी प्रचंड जमिनीची धूप, अनियमित पावसामुळे कोरडवाहू पिकाकरीता पाणी उपलब्धतेवर प्रतिकूल परिणाम, किडींच्या संखेमध्ये व प्रादुर्भावात वाढ इ. शेतीवर वातावरणातील बदलामुळे संभाव्य दूरगामी परिणाम दिसून येतील. या सर्व दूरगामी परिणामांचा विचार करता बदलत्या वातावरणाचा अभ्यास करून हवामान अनुकूल तंत्रज्ञानचा शेतीशाळा या माध्यमाद्वारे प्रसार व अवलंब करणे आवश्यक आहे.
क्रमांक | हवामान अनुकूल तंत्रज्ञान | हवामान अनुकुलता वैशिष्ट्ये व फायदे |
---|---|---|
१ | हवामान अनुकूल वाणांचा वापर | जमिनीतील ओलाव्याच्या ताणास सहनशिलता, खारपाण जमिनीत क्षारतेस सहनशीलता |
२ | समतल मशागत व पेरणी | अपधावाचे व्यवस्थापन आणि जमिनीतील ओलावा व जमिनीची सुपीकता वृद्धी |
३ | बी बी एफ तंत्रज्ञानाने लागवड | जमिनीमधील ओलावा टिकणे, अतिपावसामुळे निर्माण झालेल्या जादा पाण्याचा निचरा, पिकांच्या मुळांभोवती हवा खेळती राहणे |
४ | आंतरपीक पद्धती | हवामान बदलामुळे उद्भवणाऱ्या प्रतिकूल परिस्थितीमुळे निर्माण होणारी जोखीम कमी, जमिनीच्या सुपिकातेमध्ये वृद्धी |
५ | कमी/शून्य मशागत | जमिनीतील कार्बामध्ये वृद्धी, जमिनीतील ओलावा टिकून राहणे, उत्पादन खर्चामध्ये कपात |
६ | एक आड एक किंवा दुसऱ्या/ चौथ्या ओळीनंतर सारी काढणे |
कोरडवाहू शेतीमध्ये पावसाचे पाणी जमिनीत साठविण्या मदत |
७ | बंदिस्त सरी | पावसाचे पाणी मुर्विन्यास मदत होते, जमिनीतील ओलावा टिकून राहतो |
८ | आच्छादनाचा वापर | जमिनीतील ओलावा टिकून राहणे, |
९ | हिरवळीच्या खताचा वापर | जमिनीच्या सुपिकतमध्ये वृद्धी, सेंद्रिय कर्ब वाढण्यास मदत. |
१० | भूसुधाराकांचा वापर | जमिनीची सुपीकता टिकवून ठेवणे, पिकांची क्षारास सहनशीलता वाढवणे |
११ | एकात्मिक कीड व्यवस्थापन | उत्पादन खर्चामध्ये बचत, रासायनिक किडनाशाकांचा वापर कमी, किडींमध्ये रासायनिक प्रतिकारशक्ती कमी |
१२ | सूक्ष्म सिंचन | पाण्याची बचत, पिकास आवश्यक तेवढेच पाणी मिळते |
१३ | संरक्षित सिंचन | पावसाचा खंड पडल्यास संवेदनशील अवस्थेमध्ये |
१४ | संरक्षित लागवड | वातावरणातील बदलापासून पिकांचे संरक्षण, कमी क्षेत्रावर अधिक उत्पादन, पाण्याची बचत |
१५ | फळझाडांचा आकार मर्यादित ठेवणे (Canopy Management) |
पाण्याची गरज कमी, झाडाच्या घेरामध्ये सूर्यप्रकाशाची उपलब्धता अधिक |