मुख्य सचिवांच्या अध्यक्षतेखाली उच्चस्तरीय सुकाणू समिती कार्यरत असेल. या समितीतील सदस्य व त्यांची जबाबदारी खाली नमूद करण्यात आली आहे.

सदर सुकाणू समितीची कार्ये व जबाबदाऱ्या खालीलप्रमाणे आहेत :

• प्रकल्प अहवाल, प्रकल्प अंमलबजावणी आराखडा व विविध कार्यप्रणाली पुस्तिका (Manuals) इ. तयार करण्यासाठी मार्गदर्शन करणे, त्यास मान्यता देणे व मंत्रिमंडळाची मान्यता घेणे.
• प्रकल्प अंमलबजावणीसाठी धोरणात्मक बाबीसंबंधी मार्गदर्शन करणे.
• वार्षिक कृति आराखड्यास मान्यता देणे व आढावा घेणे.
• प्रकल्पासंबंधित वेगवेगळ्या विभागामध्ये समन्वय साधण्यासंबंधी निर्देश देणे.
• प्रकल्पाच्या मंजूर आराखड्यामध्ये परिस्थितीनुरूप आवश्यक बदलास मान्यता देणे. तसेच, जागतिक बँकेच्या सूचनांप्रमाणे विविध पुस्तिकांतील बदलास मान्यता देणे.
• प्रकल्पाच्या मंजूर आराखड्यातील घटकांच्या/ बाबींच्या अंमलबजावणीबाबत तांत्रिक सल्ला देणे.